2Ti 2 | PONPDN | STEP | ARI nai seri keleki mak o, me mi ren Kristus Iesus.

2 Timothy 2

1 ARI nai seri keleki mak o, me mi ren Kristus Iesus. 2 O me koe roner san ia impan saunkadede toto, koe en usai on aramas lelapok kan, me koiok on padaki me tei kan. 3 Koe ian ia kamekam duen saunpei en Kristus Iesus mau amen. 4 Saunpei amen sota kin kadoki pein kan a mana, pwen kon on me ale i. 5 O ma amen pan weir, a sota pan ale katin, ma a sota weir mau. 6 A saumat amen, me kin sapasap en tunole mas wa kan. 7 Madamadaue duen me i inda, pwe Kaun o pan kotin kalolekon kin uk ni meakaros. 8 Tamataman Iesus Kristus, me aisada san ren me melar akan, kadaudok en Dawid duen ai ronamau, 9 Me i kamekameki o salikidi dueta me sued amen, a masan en Kot me so salidier. 10 Mepukat karos i kin kamekameki me piladar akan, pwe ren pil konodi maur soutuk ren Kristus Iesus ianaki a linan soutuk. 11 Meid melel, ma kitail ian matala, kitail pil pan ian ieiasata; 12 Ma kitail dadaurata, kitail pan ian kaunda; ma kitail ponsasa, a pil pan ponsasa kitail; 13 Ma kitail sota pan dadaurata, a pn kotin melel weita, pwe a so kak kalikame pein i. 14 Kataman kin irail mepukat, kadede on irail mon Kaun o, ren der akamai ki sip en lokaia kan, me sota pan katepai on meakot, pwe a pan kasapune ir ala, me karon akan. 15 Nantion konekonela ren Kot dueta toun dodok amen, me so karepen namenokala mia, me kin padak weita pun masan melel. 16 A koe en kan poupou mal akan, pwe ar sapun pan lapalapala. 17 Arail padak me pan paraparada due kins. Kisan irail Imenaus o Piletus, 18 Me pirok san melel ni a inda me dene mauredan aramas wiauier, rap kawela poson en akai. 19 A pason en Kot pan duedueta, a iet kilel: Kaun o kotin mani sapwilim a kan, o: Karos, me asa mar en Kaun o, en muei san me sapun. 20 Nan im lapalap kaidin dal kold o silper eta me mia, pwe pil dal tuka o dal pwel, akai men kalinan, o akai kaidin men kalinan. 21 A ma amen pan muei san son en aramas due met, a pan rason dal men kalinan me kasarauiala, o katepa on Kaun o mau on son en wiawia mau karos. 22 Tan wei san inon sued en manakap, ap tan won pun, o poson o limpok, o popol ianaki karos, me kin kapakapaki on Kaun o san nan monion ar makelekel; 23 A padak mal o likam kan kan, pwe koe asa, me re pan naitikada akamai. 24 Ladu en Kaun men endor akamai, a en kadek on karos, o koiok on padak o kanonama on me sued akan. 25 O opampap ni a kapun on me katiwo kan, pwe ele Kot pan kotin sauasa ir, pwe ren wukilan lolekon en melel. 26 O ren pil piti san ni insar en tewil, me a insara kin ir di on insen a.